última hora

EL ORGULLU DE LOS PUEBLUS, por José Benito Mateos Pascual

Interlineado+- AFuente+- Imprimir el artículo
EL ORGULLU DE LOS PUEBLUS, por José Benito Mateos Pascual
Noticias relacionadas

EL ORGULLU DE LOS PUEBLUS, por José Benito Mateos Pascual
“tamborileru” y escritor

La riqueza de las distintas modalidades lingüísticas de España es un patrimonio cultural que será objeto de especial respeto y protección (artículo 3.3. de la Constitución)

Esti lunis, 16 de Noviembri, se celebraba en tó’l Mundu el “Día el Orgullu de los pueblus” (Día del Orgullo Rural). ¿En tó’l Mundu? Recordandu los tebéus d’Astérix el Galu,… ¡No! ¡En tó’l Mundu no! N’un país, pol baju los Pirinéus, ha pasáu sin que naidi (o cuasi naidi) lo sepa.

Y es que, n’esti país que presumi de tó, n’esti país andi vivimus, esu de los pueblus es comu el que cuenta chistis de Lepi o de “Chiquito de la Calzada”. Un engañu mú grandi el d’esti país contra los sus pueblus, pos la verdaera riqueza d’esti país no está enas capitalis. Un país ná más que de capitalis será el país más probi el Mundu. Porque, al cabu, en quitandu los cuatru morumentus el centru hestóricu las ciudadis, p’al restu cuasi daría lo mesmu en qué ciudá estuviesis, pos son tóas comparantis.

Peru no mos jagamus mala sangri. Tenemus de celebral el orgullu los nuestrus pueblus, porque cá unu, de seguru, tieni algu que le jadi especial, anque a las vedis no sepamus velu. Aquel árbol, aquel ganchal, aquel regatu, aquel cotorru,… Siempri hai un rinconinu que mereci la pena. Soi de esus que piensan que tólus pueblus tienin algu políu que vel, ná más hai de sabel buscalu. Tamién hai morumentus, craru está, y hai un montonáu que podemus vel sin salil de la nuestra provincia charra. Ilesias comu las de Bodón, Guadramiru, Robrea, Guinaldu,… Castillus comu los de la Alberguería (d’Argañán), Ciarrodrigu, Monleón, Miranda,… Monasterius comu el de San Franciscu o el de La Caridá (Ciarrodrigu), la Casa Baja (El Maíllu),… Castrus y verracus los Vettonis comu el de Las Merchanas (Lumbralis), Yecla la Vieja (Yecla de Yeltis), Irueña (Guinaldu),… La lista sería pa estal tó’l día mentandu nombris de tóa crasi de morumentus.

Enos pueblus tamién estamus más cerquina de la Madri Naturaleza, con un montonáu de lugaris enos que “perdelsi”. Sierra Béjal, Sierra Francia, Sierra Gata, Las Arribis, El Rebollal, el Campu Charru son lugaris qu’en sí mesmus son tesorus naturalis. Ningún jardín de ninguna capital el Mundu (nel pasáu, nel presenti o nel futuru) nunca no van a tenel la riqueza natural d’estus lugaris. Ni los famosus Jardinis de Babilonia, una de las Sieti Maravillas el Mundu Antigu. El Podu los Jumus, el Valli las Batuecas, los Riscus Martiagu, el Charcu Palu,… Son lugaris con nombri propiu y un encantu especial que nunca no vamus a podel encontral en ninguna capital.

¿Y qué podemus idil de la cultura? Los pueblus podemus presumil de tenel una cultura propia, de tenel una cultura heredá de los nuestrus padris y agüelus, d’una cultura que podemus llamal nuestra. Fiestas comu’l Antrueju en Ciarrodrigu, el Diagostu en L’Alberca, la Fiesta la Trilla en Monsagru, Las Madrinas en Guadramiru, la Fiesta el Panderu en Peñaparda,… Son fiestas que jadin d’esus días y d’esus pueblus un lugal especial. Las nuestras vestimientas charras, los nuestrus bailis comu la charrá, el charru, el fandangu, el ajecháu, los ofretorius,… Que son los nuestrus, los que mos jadin especialis, pol muchu que pola telivisión mos quieran “metel en vena” los de otrus lugaris. Los nuestrus estrumentus comu la gaita salamanquina y el tamborín, la sartén de Payu, el panderu de Peñaparda, las castañuelas,… Que siempri han jechu especialis los nuestrus bailis, las nuestras fiestas y, con ellus, los nuestrus pueblus.

Y sin olvial, comu no puedi sel menus, las diferentis lenguas que se palran en la nuestra tierra. Un tesoru que jadi qu’en Salamanca, además de la lengua oficial, se palrin el llionés en Las Arribis, El Rebollal y Sierra Francia (anque se barrunta de fondu en cuasi tóa la provincia) y el portugués (La Alamedilla y La Bouza). Lenguas a las que, en palrandu el nuestru Reinu de Llión (Salamanca, Zamora y Llión) tenemus d’añuil el gallegu palráu en Senabria y n’El Bierzu.

Comu quien no quieri la cosa, himus mentáu aquí un montonáu de cosas que se puedin vel en los nuestrus pueblus. Y, con tó’l montonáu que himus escritu, son muchas, muchísimas más las que himus dejáu de mental. Tantas que, sin tenel miéu d’engañalmus, cuandu anguién mos diga esu de que “no hai ná enos pueblus”, podemus contestali qu’esu no ye verdá. Enos pueblus somus ricus en cultura. Enos pueblus somus ricus en naturaleza. Enos pueblus somus ricus en lenguas. Enos pueblus somus ricus y, muchas vedis, no lo sabemus. Y tenemus d’estal orgullosus d’ellu. Orgullosus de la nuestra cultura. Orgullosus de las nuestras fiestas. Orgullosus de la nuestra naturaleza. Orgullosus de las nuestras lenguas. Orgullosus de los nuestrus bailis. Orgullosus de los nuestrus morumentus. Orgullosus del nuestru mó y manera de vivil. Orgullosus de los nuestrus pueblus.

NOTA: artículu escritu en la “palra d’El Rebollal” (mó y manera de palral el llionés n’El Rebollal)

Peñaparda y el Jalama dendi El Castillu - Nievi_Jalama_jebreru2019_03

1 Comentario

  1. El robleanu 22:22, nov 17, 2020

    Pos veloi. Bien ponis to lo que destaca y mos jadi diferentis.Que pena que no tol mundu lo vea asina.

    Reply to this comment

Deja tu comentario

Clic para cancelar respuesta.

Su dirección de correo electrónico no será publicada. Los campos necesarios están marcados con *

  Acepto la política de privacidad

Información sobre protección de datos

  • Responsable: MASHFE, C.B.
  • La finalidad de la recogida y tratamiento de los datos personales que le solicito es para gestionar tu solicitud en este formulario de comentarios.
  • Legitimación: Tu consentimiento.
  • Comunicación de los datos: No se comunicarán los datos a terceros salvo por obligación legal.
  • Podrás ejercer tus derechos de acceso, rectificación, limitación y suprimir los datos escribiendo a redaccion@ciudadrodrigo.net así como el derecho a presentar una reclamación ante una autoridad de control.
  • Contacto: redaccion@ciudadrodrigo.net.
  • Información adicional: Más información en nuestra política de privacidad.

 

Banner
Banner
Banner
Banner
Banner
Banner
Banner

últimos comentarios

Nicka
November 26, 2020 Nicka

Y bajada de impuestos, que el cuartel de la Guardia Civil nuevo se comience ya [...]

ver artículo
Del barrio
November 26, 2020 Del barrio

Supongo que a la familia del brote de hace unos días, los vigilará la Guardia [...]

ver artículo
fray
November 26, 2020 fray

A seguir así, que vamos bien. En lo que haya irresponsables de todas las edades, [...]

ver artículo
Caulfield
November 26, 2020 Caulfield

Este señor fue el que vino un rato durante la campaña electoral de las municipales, [...]

ver artículo